Fréttir

Um stuðning, aðlögun, þátt foreldra og hvað hægt er að gera ef stuðningurinn dugar ekki. Börn geta þurft stuðning í skóla af ólíkum ástæðum og með ólíkum hætti. Hér er fjallað um réttindi barna sem þurfa stuðning vegna tal- eða málþroskaröskunar. Umfjöllunin á meðal annars við um málþroskaröskun DLD og málhljóðaraskanir, svo sem CAS.

Málefli fagnar því að Froskaleikur – Skólameistarinn er nú kominn á laggirnar og opinn öllum börnum án endurgjalds. Vefleikurinn var formlega opnaður af forseta Íslands, Höllu Tómasdóttur, í Klébergsskóla á Kjalarnesi síðasta föstudag. Málefli tók þátt í að styrkja verkefnið og óskar Bryndísi Guðmundsdóttur talmeinafræðingi og öllum sem komu að þróun leiksins innilega til hamingju með þennan mikilvæga áfanga.

Aðalfundur Máleflis verður haldin þriðjudaginn 14. apríl kl. 20:00. Við hvetjum alla félagsmenn til að mæta. Dagskrá aðalfundar verður hefðbundin aðalfundarstörf og tillaga að breytingum á lögum félagsins. Hlekkur á zoom fund: https://us06web.zoom.us/j/84655893872?pwd=oybQ7e5Hp6FHTmlPzNAtQBOufKbf5a.1

Stjórn Máleflis þakkar fyrir gott samstarf á árinu sem leið. Árið 2025 var viðburðaríkt og vann félagið að fjölbreyttum verkefnum með það að markmiði að miðla fræðslu og efla umræðu á aðgengilegan og faglegan hátt.