Tal- og málþroskaröskun er það kallað þegar barn lærir ekki mál á sama hraða og jafnaldrar.  Talað er um málþroskafrávik þegar börn mælast með mælitölu undir 85 á mállegri og verklegri getu á þroskaprófum. Þegar mikill munur er á verklegri og mállegri getu á greindarprófi er talað um sértæka málþroskaröskun (e. Primary language impairment eða Specific language impairment).

Aðaleinkenni barna með  málþroskafrávik og sértæka málþroskaröskun:

  • Byrja seint að tala

  • Eru lengi að læra ný orð

  • Eins orða stigið dregst á langinn.

  • Oftar erfiðleikar við tjáningu en skilning. Frávik í skilningi = verri horfur.

  • Orðaforði betri en málfræði.

  • Orðminniserfiðleikar: finna ekki orð, segja eitt orð í staðinn fyrir annað, tala í kringum hlutina.

  • Eiga erfiðara með að læra sagnorð

  • Málfræði og setningafræði geta verið erfið.

  • Eiga erfitt með að nota málið á félagslega viðeigandi hátt og geta átt erfitt með að lesa í aðstæður.

  • Eiga erfiðara með að skilja og nota óyrt skilaboð.

  • Þau læra málið á sama hátt – eru lengur að því.

© 2020 Malefli.is

Sími: 781-9363
Netfang: malefli@malefli.is

Reikningsnúmer: 0325-26-006409
Kennitala: 640909-0990

FYLGDU OKKUR Á FACEBOOK